 |
| تخم ملنگا کی فصل کو کتنے پانی لگانے چائیے ؟ |
پانی لگانے کا شیڈول
• بیج بونے سے پہلے : زمین کو اچھی طرح ہموار کر کے پانی لگایا جاتا ہے، پانی زمین میں جذب ہونے کے بعد یعنی تر وتر حالت میں بیج کا ڈبل چھٹہ لگایا جاتا ہے، زمین کا نمی رکھنا ضروری ہوتا ہے تاکہ بیج جلدی اگ سکیں۔
• پودوں کا اگاؤ مکمل ہونے اور اچھی طرح نشوونما پانے کے بعد : دوسرا پانی 25 سے 30 دن کی فصل کو دیا جاتا ہے، تاکہ جڑیں مضبوط ہوں اور زیادہ پانی سے جمنے (lodging) کا مسئلہ نہ ہو۔ اگر زمین ریتلی ہو تو پانی جلدی خشک ہوگا، اس لیے ایک سے زیادہ مرتبہ ہلکی آبپاشی کی ضرورت ہوگی۔ اگر زمین چکنی (clay soil) ہو تو کم پانی دینا بہتر ہوتا ہے کیونکہ یہ نمی زیادہ دیر تک برقرار رکھتی ہے۔
• پھول آنے اور بیج بننے کے دوران : اس مرحلے پر پانی کی ضرورت زیادہ ہوتی ہے تاکہ بیج اچھی طرح بن سکیں۔ عام طور پر 60 سے 80 دن کی فصل کو دو مرتبہ ہلکی آبپاشی کرنا بہتر رہتا ہے۔
• کٹائی سے 15 ، 20 دن پہلے : پانی کم کر دینا چاہیے تاکہ بیج اچھی طرح خشک ہو سکیں اور ذخیرہ کرنے میں آسانی ہو۔
• اضافی نکات : بجائی والے پانی کے علاوہ اچھے رقبہ پر دو سے تین پانی دیئے جاتے ہیں جبکہ ہلکے یا ریتلے رقبہ پر تین سے چار پانی دیئے جاتے ہیں۔ یہ تمام ہدایات عمومی ہیں، اور مقامی موسمی حالات (بارش) کے مطابق پانی کی مقدار میں ردو بدل کیا جا سکتا ہے۔
Comments
Post a Comment